ياللي نسيت الحب مثلك نسينـاه
جرحي يهون ولا مذلة خضوعي
قصرك بقلبي طاح وانهد مبنـاه
لاتنتظر مني لحبـك رجوعـي
من عافنا ننسى غرامه وذكـراه
لا واحسايف في غيابك دموعي
الغدر في نظراتك اليوم شفنـاه
اليوم نظراتك لقلبـي تروعـي
مليت حب ضاع عمري برجواه
وهديت من زود الغرابيل روعي
يامن قطع حبل الرجاوي بيمنـاه
من دمعتك أشعلت طافي شموعي
--------------------------------
وقف وقلي وش سبـب هالتحـدي
ابي الصراحة واقطع الشك باليـاس
انت وزمانـي والغرابيـل ضـدي
ياللي جرحت القلب وينك والإحساس
قلبي عليك ودمعتـي فـوق خـدي
منك اشتكي لك ياغناتي من النـاس
لولاك غالـي مـا تعديـت حـدي
ليتك بنيت الحب مثلي على سـاس
بكيت يوم اقفيـت وانبـاح سـدي
شربت منك المر كأسٍ بثـر كـأس
ليتك بنظـرة مـن عيونـك تلـدي
محبتي لك يالغضي ترفـع الـرأس
----------------------------------
ياللي نسيت الحـب مثلـك نسينـاه
جرحي يهون لا ومذلـة خضوعـي
قصرك بقلبي طـاح ونهـد مبنـاه
لاتنتظـر منـي لحبـك رجوعـي
من عافنا ننسـى غرامـه وذكـراه
لا واحسايف فـي غيابـك دموعـي
الغدر فـي نظراتـك اليـوم شفنـاه
اليـوم نظراتـك لقلبـي تروعـي
مليت حب ضاع عمـري برجـواه
وهديت من زود الغرابيـل روعـي
يا من قطع حبل الرجـاوي بيمنـاه
من دمعتك اشعلت طافـي شموعـي
----------------------------------------------
ماجيت حب لك ولا نيـب راجيـك
ماجيت يمك في رجاء مـد يمنـاك
جيتك مثل غيري بنفسـك اعزيـك
مالك وجود اليـوم مـت ودفنـاك
شربت منك المر واكتـم واداريـك
حتى عدوي مـا يسـوي سوايـاك
الشاهد الله ما خبر جبـت طاريـك
وان جالك الطاري بخيـر ذكرنـاك
عين بكت لك ما تلـد النظـر فيـك
غصب ٍ علينا من سوايـاك عفنـاك
عواذلي قامـت تبيعـك وتشريـك
ارجوك تبعد عيدنـا يـوم فرقـاك
----------------------------------------
يا مالك قلبي لنا عنــــــك مده
وراك عنا يا أريش العين صديت
ماذقت من غيرك جروح الموده
غالي علينا يا حلو لو تغليــــت
يـــزداد حبـــــي كلما زدت صده
وراك عن قلب ملكته تخليـــــت
ليت النظر يا صاح يــــمي تلده
يــاما قســى قلبك ولا يوم حنيت
وصل الصبر يا قرة العيــن حده
ومنين أجيب الصبر لاعني أقفيت
ذاك الحنان اللي مضـى لو ترده
أقول من قلبي بحبـــك تهنيت
ما عاد فيني يا زمن ما تهده
أبعدت خلي يا زمن ويش خليت ؟
---------------------------------------------
أنا عرفتك بالهـوى ألـف خـداع
وأنا بنظرات الوفاء منك مخـدوع
لا واحسايف عمري اللي معك ضاع
لا صار لك قلبٍ على الغدر مطبوع
تركتني وحدي على الدرب ملتـاع
أخذت عمري والعطاء منك ممنوع
تبي السموحه وأنت لي صرت بياع
وما زال قلبي من سواياك مفجـوع
يا ما نهيت القلب لاشك مـا طـاع
وأنا أشهد إني مابعد شفت لك نوع
ما نيب لا عذار تجي منك سمـاع
يكفين ماعشتـه بدنيـاك مخـدوع
[center]